Mizo Elite News hi ṭha i tihzawng a nih chuan min lo Follow dawn nia

Shawn Mendes leh Camila Cabello an inlar leh tan

Hmangaih tak leh induh fahran taka an inzui hnu ah inthen zai an rel a, tunah vantlang mit hmuhah an inlar dun leh tan ta.

Ningani mai khan Camila Cabello leh Shawn Mendes te chu Miami ah an inzuichhuak hmuh an ni a, November thla a an inthen atang tun hi an pahniha an awmdun hmuh an nih leh hmasak berna a ni bawk.

Shawn Mendes leh Camila te hian an chhuahna ah hian an pahnih bakah an ui intawm Golden Retriever, Tarzan chu an hruai tel bawk a, an pahnih inkar pawh a tha in inhmuhthiamlohna reng an neilo tih a chiang.

Kum hlui 2021 November ah Shawn leh Camila te hi an inthen a, Instagram ah thuchhuah intawm an rawn siam. ‘Romantic anga kan inzawmna chu tihtawp kan tum a, mihring kan nihna anga kan inhmangaihna erawh tunhma ai zawng in a chak zawk’ tiin thiantha anga bul an tan thu leh thian anga an awm chhunzawm reng tur thu an sawi ani.

Hetia an pahnih a an chhuak hmuh an nih vang ngawt hian hmangaihna ah an tlu lut leh tihna a ni kher lo a, thiantha angin an inkar an siam rem mai niin a lang zawk.

Kar hmasa khan Shawn Mendes chuan Social Media a hun hman chu a harsat thin thu a sawi a, hei hi a bialnu hlui Camila Cabello in Online chawlh rih a tum thu a puan hnu lawk ah khan ani.