Australia ah vanduaina rapthlak tak a thleng a, Emerald Beach, Coffs Harbour a Surfer mipa naupang tak chu Shark in a beihna ah a nunna a chan phah tih hriat a ni.
Pathianni a thil thleng kha a ni a, vanduaina tawk tu a hming tarlan loh Surfer hi a ban leh hnung ah te Shark hian seh in na takin a hliam a, thisen tam tak a hloh vangin a damkhawchhuak lo.
Shark in a beih hian mangang takin tanpuitu a au chul thu Beach a awm ve dang te chuan an sawi. Paramedic te a hmun ah an thleng nghal thuai a, Paramedic thlen hma in an theih ang anga bawihsawm in CPR te pek a ni bawk.
NSW Ambulance Inspector Chris Wilson chuan a hliam hi a nat em vangin paramedics leh emergency services ten an theihtawp an chhuah chungin a nunna chhan theih a nilo tih a sawi.
Beach a hun hmang ve dang te chuan chanchin an hriat rualin an sahim nan an in sa seng nghal vat vat a, Coffs Harbour Lifeguards service ten beach leh a chheh vel te chu tlawhpawh theih lovin an khar zui nghal tih an puang.