Mizo Elite News hi ṭha i tihzawng a nih chuan min lo Follow dawn nia

Shah Rukh Khan nupui leh a fapa te sawisel an hlawh

India ram chu hripui thawhhnihna Second wave in nasa tak maiin a tuam chho leh mek a, hri laka him nan in lam ah tawm tha turin an in chah mawlh mawlh.

India hian hri vei pun chak ah a record siam sa a khum zel rih a, nikhat a hrivei hmuhchhuah tam berah nuai 3 te a pel. Milar te pawh in Social Media kaltlang in an fans te in enkawl tha turin an chah.

Amaherawh chu hetih lai mek hian milar zingah ngei ngei sorkar in thuchhuah zawm lo an awm. Hriselna ngaih pawimawh hun lai lai in thenkhat in an hmun ngainat zawng Maldives leh Goa te holiday an hmang heuh heuh.

Bollywood star, Shah Rukh Khan chhungkua ngei pawh tunlai hian sawisel hlawh ber ber ah an rawn tang. Nimin Nilai khan Shah Rukh Khan nupui Gauri Khan leh a fapa upa ber Aryan Khan te International Airport ah India ram an chhuahsan tur hmuh an ni.

Gauri leh Aryan te hi an fanu leh unaunu Suhana Khan awmna New York ah hmu turin an kal dawn tih tarlan a ni. Hrileng nasat zualkai laia zin veivah a hlauhawm em em laiin an zinchhuak hian sawisel a hlawh a, midang tawmhim tura hrilh hrilh lovin an mahni in zawm hmasa rawh se an ti.

Suhana hi tunah New York University ah filmmaking lam a tiin, nikum a hrilen hmasak vak tum khan Lockdown vangin USA atang India ah a haw. Boruak a ziaawm tak hnu ah Big Apple ah hian a kir leh a ni.