Mizo Elite News hi ṭha i tihzawng a nih chuan min lo Follow dawn nia

Serbian Influencer Leh YouTuber Hmeichhe Kum Naupang Tak Thi A Chhar A Nih Chungchang Ah Chhuihna Thawk Mek

Serbian Youtuber chu kum 21 lek a upa in thi a chhar a ni a,influencer thihna ah hian a phen ah thil inthup a awm anga ngaih chu haichhuah tumin thu neitu ten an bawhzui mek a ni.

December 8 ah Kristina ‘Kika’ Dukic hi Serbian capital Belgrade ah dar 11.40pm vel khan thi a chhar a ni a, Investigators ten Kristina thihna ah hian thil diklo engmah hmuh a nih loh thu report mahse Ministry of the Interior ten investigation an kalpui mek tih an puang.

Social media ah Kristina hian zuitu followers maktaduai chuang a nei kai tawh a, mahsela heng amah zuitu te hi a lamtang vek an nih loh bakah selna leh diriamna nasa tak a tawk thin tih sawi a awm a,Kristina chu amah intihlum turin a followers te atang hian thu kha tak tak nen an lo beichiam thin tih an sawi ani.

A nu Natasa Djukic chuan a fanu thihna a thuchhuah a siam ah chuan an fanu chunga thil thleng thut chu an chhungkaw tan pawm harsa tak a ni tih a sawi. A fanu ruang hmuh a nih chungchangah thil felhlel a awm rinna nei in a tawngchhuak bawk. “Mahni intihhlum duhna i nei emaw depression in a tlakbuak che chuan mal nia i inhriatloh nan midang lakah inbunruak la, ngawi reng suh” tiin a sawi hial.

An hmuhchhuah zelna ah chuan Kristina hi plastic surgery nei anga puh a ni a, a hringnun chu a followers zinga mite chuan in hrehawmna nasa tak an thlensak a, tun hun duhawmlo hi a thlen phah ta an ti ani.

Instagram post atang a tarlan danin Kristina ruang hi December 14 ah Belgrade, Lešće a thlanmual ah vuiliam na hun hman tuma ruahman ani.