Mizo Elite News hi ṭha i tihzawng a nih chuan min lo Follow dawn nia

Selena Gomez Vax Live’s Concert Ah Host In Ram Rethei Tanpuina Turin Hma An La

Pathianni zan khan Inglewood, California ah Global Citizen: Vax Live concert chu neih a ni ta a, Event hi zaithiam Selena Gomez chuan tawngkam thiam tak mai a kaihruaiin Host ah a tang.

Concert hi anti poverty organization Global Citizens bul tum a nia, ram rethei zawk a Covid Vaccine hmuh theih nana Medical Worker te tanpui leh chhawmdawl a, inpumkhat nana ruahman a ni.

Selena pawh event ah a fawng vuantu pawimawh tak a ni a, nalh pawh a nalh leh ngei mai. Headiner dang Jennifer Lopez nen Backstage ah te thla an la dun nasa a, Vax Live’s ah hian Selena hian Outfit 2 inbelin pakhat chu Bottega Veneta dress a ni a, hei hi Purple Carpet leh Backstage lam ah a hachhuak.

Outfit dang hi Victor Glemaud dress niin hei erawh Stage ah a inbel thung. Selena hian khawvel puma Vaccine semchhuah chungchang ah Social Media ah theihtawp in a auchhuak a ram hausa leh thiltithei zawk hruaitu te hnen ah ram rethei te hawisan mai lova dawm kang tur leh Vaccine pe turin a lo ngen sak.

President Joe Biden leh Vice President Kamala Harris bakah British Prime Minister Boris Johnson te pawh a ko chhuak. Tin, Selena hian social media giants 3 Facebook, Twitter, leh Instagram ten a anti-vaxxers atang COVID-19 vaccines information dik loh an platform a thehdarh a ni chu a dem hle bawk tih a sawi.