Mizo Elite News hi ṭha i tihzawng a nih chuan min lo Follow dawn nia

Selena Gomez in Elle Magazine hnen ah a natna leh Social Media a chawlhsan chungchang a sawi

Kum 29 a upa Pop Singer, Selena Gomez chu Elle chanchinbu kawm September issue ah a inlan a, chanchinbu ah hian a chhung lam ah a Interview na chhiar tur a awm bawk.

Elle in a Interview na ah hian Selena Gomez hian a natna vei chungchang leh a harsatna tawh te a sawichhuak a, physical leh mental lama a dam loh vanga nun thim taka hun a lo hman thu te a hrilh a ni.

Kum 2015 khan lupus natna a vei thu a puang a, chemo a la zui nghal. Lupus a vei tih a puan atang kum 1 a liam awrh tihin 2017 ah kidney transplant ngaiin hun a hmang zui leh bawk. Hei bakah anxiety, depression, leh panic attacks te a tuar bawk. Heng a phurrit tak te hian ama nun ngei thleng in a pawt hniam rawih rawih chang pawh a tawk ve thin a ti.

Selena chuan a rilru hriselna ngaih pawimawh hmasak a duh vangin Social Media a chawlhsan thu a sawi. Kum 2017 khan hun eng emaw tichhung atan Social Media a bansan. Followers ngah ber dinhmun hial lo chelh tawh tu hian Social Media in amah ah nghawng tha lo nei niin a ngai a, hei vang hian a Account password chu a assistant hnenah hlan chhawng in a Phone atang a App chu a delete a ni.

Amah ngeiin a lo tawn tawh a nih vang in mental health awareness hi a ngai pawimawh hle a, Rare Impact Fund launch na a nei tawh a, hei hi a cosmetics line Rare Beauty nen tangkawp in kum 10 chhungin $100 million sum hmuh an tum dawn a, hei hi mental health services ah chhun luh a ni ang. Tin, Selena hian HBO Max cooking show Selena + Chef chu seasons 2 a neih hnu in 23 nonprofit organizations tan pawisa $360,000 zet a hmuh sak tawh bawk.

Music chungchang ah Elle hnen ah hian Music chu chawlhsan mai a tum lo tih a hrilh a, “Music hi bansan turin ka ngaihtuah ngai lo. Grammy chawimawina ka beisei hran lo a, dawn ka duh tih pawh ka sawi ngai lo. ka duh chu keimaha a tha ber tih a ni” a lo ti.