Mizo Elite News hi ṭha i tihzawng a nih chuan min lo Follow dawn nia

Selena Gomez in a landan thar a chhuang, US President hnenah ramdang tanpui ve turin a ti

Zaithiam leh lemchan thiam Selena Gomez (kum 28) chuan Thawhlehni khan a sam rawng thlak thar chu chiang deuh kek kawk in Social Media platform ah a phochhuak leh ngat.

Selena hian a Selfie thlalak ah hian ‘Back to work’ tiin hna lama a kir leh thu a sawi a, Zirtawpni liam ta mai pawh khan a landan thar hi Instagram Selfie a rawn neihpui tawh.A colorists Nikki Lee leh Riawna Capri of Nine Zero One salon sawi dan in Selena’s transformation hian darkar 8 chhung a awh. Selena in a style a thlak chhoh mek lai hian a bialpa hlui Justin Bieber pawh in Dreadlock a ti thar a, Twitter ah sawi sel a trend a hlawh nasa hle.

Thla hmasa khan Selena hian star-studded VaxLive: The Concert to Reunite the World! ah a host dawn tih a puangchhuak a,Concert hi anti-poverty organization Global Citizen te bultum niin ram rethei tak taka Covid Vaccine hmuh theihna tura medical workers te tanpuina tur a ruahman a ni.

May 8 ah neih tur a ni dawn a Jennifer Lopez, Foo Fighters, Eddie Vedder, J Balvin leh 2021 Academy Award-winner H.E.R. te Concert ah hian an zai ang. ABC, CBS leh FOX bakah iHeartMedia radio stations leh YouTube ten Concert hi an pe chhuak dawn a ni.

Tin, Selena Gomez hian US President, Joe Biden hnen ah Pandemic laiin ramdang te tanpui an ngaihna ah tanpui a, a theih dan kawnga puibawm zel turin a ngen bawk a ni.