Mizo Elite News hi ṭha i tihzawng a nih chuan min lo Follow dawn nia

Selena Gomez chu Italian film producer nen hmuhdun an ni ve leh tawh

4th of July weekend ah khan in Singer, Selena Gomez chu a thian te ho nen Public ah an hmel an rawn lan ve leh a, Selena hi tunlai chu pawn lama hun a hmang chhuak hmuh tur a khat ang reng hle.

‘Good For You’ singer hi a thian hnai tak tak te nena Los Angeles yacht ah an hun hmanna ah hian Italian-Canadian producer Andrea Iervolino pawh Selena te bulah hian a tel ve a ni.

Filmmaker leh Monte Carlo actress, 28 te hi tun hi an chhuah dun hmasak berna a ni tawh lova, an pahnih hian hna lamah thawkdun in an inkawm tam hle a, mahse fans thenkhat te erawh chuan an hna thil piah lamah hian a dang a awm ring pawl an awm.

Kum 2016 a film Dubious Battle ah khan an thawk dun tawh. Tin, kum 2019 a Selena in a piancham puala Italy a birthday trip a neih ah pawh Andrea Iervolino hi a tel ve leh bawk.

Andrea hi a tam zawk chuan 2015 film Hope Lost leh 2017’s Beyond The Sun atang te khan hriat a hlawh. Kum 5 kalta daih atang tawh Selena nen hian inhria in hna an thawkdun a ni.

The Weeknd leh Justin Bieber hnu ah he Texas nula hian hmangaihna lam reng a buaipui tawhlo emaw tih turin mipa lamah thawm lian tham em em hriat tur a nei lo. July 22 khian kum 29 piancham a lawm ve tawh dawn a ni.

Music lam ai in thil dangah a in hmang nasa a, Rare Beauty a buaipui bakah lamariette tan Model ah alo tang, hetih lai hian a ex. The Weeknd chu nuthlawi thar lam Angelina Jolie nen an zanchhuak hmuh tur a awm bawk.