Mizo Elite News hi ṭha i tihzawng a nih chuan min lo Follow dawn nia

Scooter A Ui Thlunga Hnuk Hlum Tu Hmeichhe Pahnih Te Chu Man An Ni

India ram a thil zahthlak leh pawi tak thleng hian ran hmangaih tak tak tu te rilru a tihnat sak hle. Punjab a Patiala district khawlai a thleng a ni.

Thil thlen hun hi June 20 khan a ni a, hmeichhe pahnih te chuan ui khawthlangthlak tak chu an Scooter hnung ah hrui hmangin an thlung a, tlanpui in lei ah an lo hnuk a ni.

An chetdan nunrawng tak hi Camera ah chuan alo in record vek a, Police te chuan ran sawisak thubuai ah man in thu zawhfiahna an nei bawk.

Hmeichhe pahnih te hi an hming Chanchal leh Sonia tia koh an ni a, Patiala a Ablowal thingtlang khaw bul hnaih lawk Adarsh Nagar area a cheng an ni.

Police te hnena an sawidan chuan ui hian naupang te a bei thin an ti a, zirtirna an pe hlak a ni awm e. Mahse he ui an hnuh hi NGO ten a hliam enkawl sak a ni chungin June 24 khan a thi.

Prevention of Cruelty to Animals Act hmang in thubuai siam sak an nia, amaherawh chu Jail tang lovin bail hmanga chhuah an ni. Mahse an scooter erawh hren/man sak an ni thung. Chhia leh tha hrelo ran chungah pawh hetiang ang rilru chhia han put duh tlat mai chu.