Mizo Elite News hi ṭha i tihzawng a nih chuan min lo Follow dawn nia

School Bus Accident Ah Driver Leh Hmeichhe Naupang Kum 7 Thi, Naupang Dang Pawh An Ngaihtuahawm Hle

Tennessee a 7700 block of State Highway 58, Meigs County ah Thawhlehni October 27 khan chhiatna thlengin School Bus leh truck an insu a driver leh naupang ah nunna chan leh hliam tuar an awm.

School Bus a driver hmeichhia leh hmeichhe naupang kum 7 te an boral tih hriat a ni, naupang dang eng emaw zat in hliam an tuar bawk.

Meigs County te sawidan in School Bus hi South lam ah niin electric utility service vehicle hi North lam aṭang a ni ve thung. Truck driver hian a vehicle hi a thunun hleithei lo nia hriat a ni a, Accident rapthlak hi a thlen phah.

Naupang chuanna School Bus pawh a chhe hneh hle. Official lam hian driver leh hmeichhe naupang boral te hi an hming ala puang lo.

Naupang dang 5 te pawh airlift in Chattanooga a Baroness Hospital an panpui a, an zinga mipa naupang phei chu a dinhmun a ṭha lo hle a ni awm e. Naupang 2 te erawh ambulance a hruai an nia, an dinhmun kimchang hriat ala nilo.

Tennessee Highway Patrol Lieutenant Bill Miller chuan vanduaina thlen lai hian Bus ah hian naupang 22 an chuang niin a sawi, hliam tuar zat pawh chiang taka hriat theih a la nilo hlawm.

Truck driver pawn hliam tuarin damdawiin ah enkawl mek a ni bawk. Meigs County Board of Education lam ten naupang nu leh pa te hnen ah Accident thleng hi hrilh hria in biak an ni hlawm tawh a ti.

Meigs County Sheriff Jackie Melton chuan Conference ah ni duhawm lo tak a ni tiin, vanduaina tawk chhung te a tawrhpui thu a sawi. Authorities ten he chetsualna thleng hi chhui hna an thawk nghal bawk.

DM