Mizo Elite News hi ṭha i tihzawng a nih chuan min lo Follow dawn nia

Sawi rik ret ret awm karah Neymar leh a bialnu te inkar hailan ani ta

Hmeichhia te duh rawn em em PSG superstar, Neymar chu a bialnu thar chhelo zet Brazilian beauty nen an inkara sawi rik ret ret a awm hnu ah an inkar chu vantlang hriat ah hailan in a awm ta.

Neymar hian a bialnu thar sawi Bruna Biancardi chu a Social Media lam ah a rawn lanpui. An pahnih hian hun rei tak atang tawh an inzui thu hriat a ni a, hmuh an nih hmasak berna pawh nikum August thla khan Ibiza ah chawlh an hmang dun lai thlalak hmuh tur a awm tawh ani.

British chanchinbu The Sun in a tarlan dan chuan Biancardi hian Christmas pawh kha Brazil ah Neymar kiangah ngei a hman thu an chhuah a, Neymar’s PSG thian te Angel Di Maria, Marco Verratti, Leandro Paredes leh Messi te nen Biancardi hi an thlalak hmuh tur a awm bawk.

Tin, hei bakah Neymar leh Biancardi te hi PSG star Lionel Messi leh a nupui Antonella te nen pawh zanriah an kil ho thu tarlan ani a, official takin an inkar hi vantlang hriat ah an mahni in thanchhuah tir rih kher lo mahse an inkar a nghet em em a, an inthlah hleithei tawh meuh lo a ni awm e.

Football khawvel ah Neymar hi a lar ang chiahin hmeichhia te lakah pawh a tla na hle bawk. A hma in Bruna Marquezine nen an inngaizawng thin a, kum 6 zet an inzui hnuah 2018 khan an inthen. Bruna Marquezine bakah hian Model hrang hrang nen sawizawm an ni fo a, chung zingah chuan Natalia Barulich pawh a tel.

Tunah hian Neymar hian fapa pakhat Davi Lucca a nei mek. Fa dang neih leh thuai a, a fapa David tan unaupa tur a duhthu alo sawi tawh. Neymar hian a fate nu atan Biancardi hi a thlan mai a rinawm ta hle.

Bruna Biancardi hi kum 27 a upa a ni a, model leh social media influencer niin Instagram ah 611,000 chuang followers a nei mek bawk.