Mizo Elite News hi ṭha i tihzawng a nih chuan min lo Follow dawn nia

Savdhaan India Actress Pahnih Te Man An Ni

Mumbai’s Aarey police te chuan television actress pahnih te chu rukruk thubuai robbery case vangin an man a. He actress pahnih te hi India Show lar Savdhaan India leh Crime Patrol ah te an inlan thin.

Police te tarlan dan in Surabhi Surendra Lal Srivastava (25) leh Mosina Mukhtar Sheikh (19) te hi Aarey Colony ah an thian pakhat in man chawia awmna tur guest facility a siam ah an awm a, coronavirus vanga TV shows shooting an chawlh hnu in sum lam ah an harsa dun hle tih hriat a ni.

May 18 khan an pahnih hian in thurual in an awmna a awm ve hmeichhe pakhat locker atang Rs 3,28,000 an ru chhuak a, pawisa an lak hnu hian Building an chhuahsan a, an chhuak lai hi CCTV ah finfiahna chiang tak hmuh a ni bawk.

Police ten an chhui chhuah hnu ah an pawisa ruk eng emaw zat te chu an lo hmang ral hman tawh a, Rs 50,000 chu an lak atang hian hmuh kir leh a ni. Aarey Police Station’s senior officer Nutan Power chuan rukru pahnih te hi Crime Patrol leh Savdhaan India bakah Web Series hrang hrang ah an inlan tawh thu a sawi a, an chetdan chu zahthlak a ti hle bawk. An pahnih hian Court hma a inlan tura tih an ni.