Mizo Elite News hi ṭha i tihzawng a nih chuan min lo Follow dawn nia

Savage X Fenty Show Vol. 3 ah Cindy Crawford in hma a hruai

Supermodel tih sawi tawh hi chuan rilru ah a hming hi a lang lo thei lo. Kum tam tak a ni tawh chungin a larna ala chuai thei lo a, a taksa pawh thang thar zawk te ai pawh in a la nalh daih.

Rihanna chuan a Brand lam Savage X Fenty Show Vol. 3. chu Premiere na a nei a, he hun ah hian milar thahnem tak an inlan hlawm bawk.

Kum 55 zet a upa ni tawh Cindy Crawford pawh Ningani zan khan Riri show premiere na Amazon Prime Video ah hma a rawn hruai a, snakeskin dress nen a rawn intheh thil a ni. Riri show chawinun sak tu zingah hian Cindy hi sawi hmaih hauh loh tur a ni.

1980s leh 1990 chho ah khan Cindy Crawford hi Modelling khawvel ah chuan lar ber tih ngam a ni a, magazine covers hrang hrang ah chuang in runways leh fashion campaigns te a nei. Tun thleng in khawvel huap pawh in Supermodel challang ber ala ni fan.

1991 atang 1995 thleng Hollywood star Richard Gere nen an innei a, an inthen hnu ah 1998 khan entrepreneur Rande Gerber nen an innei leh. Rande Gerber nen hian fa pahnih Presley, 22 leh Kaia Gerner, 20 te an nei a Kaia phei chu chhun tur nu a nei tha bawk nen kum 16 lek a nih atang a lo catwalk ve zan tawh bawk.