Mizo Elite News hi ṭha i tihzawng a nih chuan min lo Follow dawn nia

Sara Ali Khan leh Rakul Preet Te Lakah NCB In Engtin Nge Hma An Lak Dawn?

NCB lam in Rhea Chakraborty chu ruihhlo chungchang vangin an man fel tawh a, a ni bakah hian midang a unaupa Showik, Sushant Singh Rajput’s house manager Samuel Miranda leh staff Dipesh Sawant te pawh he case kaihhnawih vang vek hian man an ni bawk.

Thu zawhfiah a nih ah Rhea hian mahni mai a tuarchhuah a tum bik lo. A rual in midang te pawh a sawikai a, milar dang ruihhlo khawih ve hming a sawichhuak. Rhea in hming a sawi zingah Sara Ali Khan, Rakul Preet Singh leh Simone Khambatta te chu an hming mala hriat theih leh langsar zual an ni.

Rhea inpuanna aṭang hming langchhuak ta te lakah hian NCB lam te hian engtin nge hma lak ve leh an tum tih chu ngaihven a ni chho a. Mahsela comment erawh an la pe thei meuh lo.KPS Malhotra, NCB’s director chuan thil hailan leh an hming lailang in awm tawh mahse agency te chuan comment an la pek rih theih loh thu a sawi. Hetih lai hian report thar ah chuan Sara Ali Khan, Rakul Preet Singh leh Simone Khambatta te chu thu zawtfiah ve tura koh an ni dawn tih tarlan a ni a. Thawhṭanni khan Source chuan Times Now hnen ah a nemnghet tawh an ti bawk.

Rhea Chakraborty hian a nu phone pawh ruihhlo chungchang a thil sual tih nan a hmang bawk tih sawi a ni leh tawh. Sara Ali Khan, Rakul Preet Singh leh Simone Khambatta te hi an hming a ri nasa tawh si a, NCB lam ten hma an la vat lo a nih chuan Rhea thlawp tu te tan ṭangfung ṭha tak ah an hman phah thei ang. Case kal zelah hian mi 6 man thar an nei leh tawh bawk a ni awm e.

TOI