Mizo Elite News hi ṭha i tihzawng a nih chuan min lo Follow dawn nia

Sanjay Leela Bhansali leh Aditya Chopra te hi Sushant tana miṭha leh support tu te an ni – Ankita Lokhande

Sushant Singh Rajput thihna kal zel ah a bialnu hlui Ankita Lokhande chu ṭawngchhuak leh in Sushant thihna a mawhphurh tu danga puh ho Sanjay Leela Bhansali leh Aditya Chopra te chu mi ṭha an nih thu a sawi ve leh ta thung.

Anni pahnih hi Sushant thihna ah khan rinhlelh ber ah an ṭang a, mahsela hei hi a dik tawk lo nge Sushant bialnu hlui Ankita Lokhande meuh in miṭha an nih thu a auchhuahpui.

Ankita hian Aditya Chopra bakah Ekta Kapoor te chu Sushant Singh Rajput lam ṭanga support tu te an ni a ti a, Sanjay Leela Bhansali hian film tam tak ah Sushant kha offer a siam sak a ti bawk.

Sushant Rajput leh Ankita Lokhande te hi kum 6 lai an inngaizawng hman a,
2016 thleng an inzui. A bialnu hlui leh Sushant chhungte pawn an rin em em hian thudiklo chu a sawi duh bik a rinawm loh bawk.

“Adi sir khan a support em em a ni” tiin Times Now a hrilh a, buaina a neih changin Adi sir a call a, inhmuhpui ah sawmin thil an sawi dun ṭhin tiin a sawi a ni.

Filmmaker Sanjay Leela Bhansali pawh Sushant duhsak em em tu a ni a, Sushant mai chauh nilo amah ngei pawh an pahnih in film chan tur offer a siam sak fo thu a sawi a, an pahnih tan hun remchang a zawn sak ṭhin alo ti bawk. Hetih lai hian an inṭhen hnu thil a nih tawh vangin Karan Johar chungchang erawh engmah Comment a pek theih loh thu leh deal an neih dan a hre lo niin a sawi a Aditya Chopra, Ekta Kapoor leh Sanjay Leela Bhansali te chu misual an nih loh thu erawh huai takin a sawi thung.

A hma in Ekta Kapoor leh Sanjay Leela Bhansali te lakah hian Case file a ni tawh nghe nghe. Republic Tv hnena Ankita in Interview a neihah chuan Sushant unaunu in a hnena alo hrilh ah a unaupa kha an chhungkua aṭang a inla hrang hle tih a hrilh thu a sawi a hei hi Rhea Chakraborty nena an inzui chhoh ṭan lai vel kha a ni.

Sushant chhungte hian Rhea chu mawhphurtu berah leh thihna ruama an fapa nawr liam tu ah puhin an lung a awi lo a, section hrang hrang hmangin thubuai an siam sak. Ningani khan Ankita hi Bihar Police ten Mumbai a a chenna ah thu zawhfiahna an lo nei bawk.

Hindustan Times