Mizo Elite News hi ṭha i tihzawng a nih chuan min lo Follow dawn nia

Sangha Mantu Pakhat Thla Khata $670 Hlawh Thin Chuan Thil Hlu Tak $3Million Man Hu Vel A Chhar Nawlh

Vanneihna hi tu chungah pawh thleng thut thei reng a ni a, khuanu hian hetiang hausakna tawngbaw tur bik liau liau hi a lo ruat lawk thin.

Thailand rama sangha mantu pakhat kum 60 a upa Naris Suwannasang chuan beach ah thil hlu leh vang tak mai a chhar a, a thil chhar hian zankhat thil thu lekah a dinhmun a thlak sak hlawk in mi hausa tak a nih phah dawn ta reng mai.

Nakhon Si Thammarat, southern Thailand a tuipui ah chuan Naris hian lung ang tak mai thil hlum mahse lung tih theih ni si lo chu a hmu a, a cousin pakhat hnen ah in lama hawn a tanpui turin a sawm. Engthil chiah nge ni tih chu an enfiah ta a ni.

A thil hmuh mak danglam tak hi tuipuia thil hlu leh vang tak Whale luak an tih mai, whale ril atanga thil hnang chhuak, chi ambergris nia hriat a ni. Ambergris hi Perfume man to tak tak Chanel No5 ang siamna atan te an hmang thin.

In lama an enfiah ah lighter hmanga an han hal chhin chuan rang taka tuiral in a rim ngher tui tak a chhuah tih an sawi, be tu neuh neuh pawh a tawng tawh tih sawiin mahsela ambergris quality tha a nih ngei chuan a hlutna hi $3.2 million daih a nih tur thu The Sun chuan a tarlang.

Naris chuan a thil chhar hi 100 kilograms vel chu a tlin a beisei a, best grade a nih phei chuan kilogram zelah a hlutna 960,000THB (£23,740) a ni. Naris hian specialists lam in an chian hun a nghak mek.

Naris hi sangha mantu ve mai ania, thla bi in $670 a hlawh thin. A thil chhar vang hian vanneihna a tawnbuak ngei hmel bawk. Fimkhur thu hla ah Police te hnen ah a thil chhar hi record a tum a, a chhan pawh a chenna in atang an ruk chhuah sak mai a hlauthawng a ti bawk.

DM