Mizo Elite News hi ṭha i tihzawng a nih chuan min lo Follow dawn nia

Salman Khan Leh A Chhungkua Te Chu Covid Vanga A Inkhunghran Hnuah An Him

Bollywood Superstar, Salman Khan leh a chhungkua te chu an Staff Member zinga mi ten hripui Coronavirus an vei tih hriat a nih hnu ah an inkhunghrang a, test an nei hnu ah vanneihthlak takin amah leh a chhungkua zingah a tumahin hri an vei lo tih puan a ni.

Kar liamta khan Salman Khan hi a driver Ashok leh a chaw chhum/eisiamtu pahnih ten Covid19 an Positive tih hriat a ni a, hei vang hian Salman Khan hi a laina hnai dangte nen an inkhunghrang ve ta nghal.

Source chuan “Staff member leh driver te an Positive tih hriat a nih hnu kar kalta aṭang khan chhungkua in an inkhunghrang. Chhungkaw member tin te Test neih sak a nih hnuah result ah chuan an negative vek e” tiin a sawi a ni.

Staff member hri vei te hi damdawiin ah dah luh nghal an ni bawk. Hri a vei tak loh ah chuan Salman Khan pawh a shooting hmabak mek reality show Bigg Boss 14 pawh an buaipui chhumzawm leh ang.

Salman Khan hian thla hmasa khan a film thar ‘Radhe: Your Most Wanted Bhai’ chu Shooting a zo fel tawh a,he Movie hi Prabhudheva chuan direct dawn in Disha Patani, Randeep Hooda leh Jackie Shroff te pawh an inlan dawn a ni.

Indian Express