Mizo Elite News hi ṭha i tihzawng a nih chuan min lo Follow dawn nia

Sakhaw Thil Chungchang Ah Pastor Chu Kutthlak A Ni

Sakhuana thil kalsual pui ve fe fe ta hi mi tam tak sawi tur an awm tawh. NDTV te tarlan danin Raipur a Police Station ah Pastor pakhat chu sakhaw thil chungchang a an thudawn bawhzui in zawhna zawt tura an koh hnu in kutthlak a tawk.

He thil hi Purani Basti police station a thleng a ni. Police te hnen ah hian sakhaw thil a innawrluihna chungchang ah thubuai thlen a ni a, sakhaw danga inlet tura nawr na a thleng tiin an zualko.

Mipui thinrim chuan he Pastor hi slipper leh pheikhawk hmangin Police Station ah chuan an hlap a, inhnialna nasa tak mai a chhuah phah a ni. Police Station chhung hial a thleng ah chuan lo hmutu te pawh a barakhaih hle hlawm.

Pawl 2 te Police Station a intihbuaina thleng ah hian engmah tihchhiat a awmlo hlauh a, chhui hna thawk zui in he buaina hi an bawhzui nghal thu Additional Superintendent of Police (City) Tarakeswar Patel chuan a sawi. He buaina thlengah hian inhnamhnawih mi 7 te lakah Case ziahluh a ni bawk.