Mizo Elite News hi ṭha i tihzawng a nih chuan min lo Follow dawn nia

Sakhaw Rawngbawltu Hmeichhia Sister In Police Te Hma Ah Thingthi Chungin Pawisawilo Te Kap Lo Tur Leh Man Lo Turin A Ngen

An tawrhna hi a rapthlak em em tawh viau. Pawisawilo in an nunna hlu tak an chan hnem thawkhat tawh. Hei zet hi chuan rilru a khawih khawp mai.

Hmeichhe sakhaw rawngbawl tu pakhat Sister Ann Roza hian an chunga rawng taka che tu armed junta officers te lakah khawngaih dila an hma a thingthi lai hian Social Media hrang hrang a luah hneh hle.

Myitkyina ah chuan Sister Ann Roza hian thuamhnaw var leh lukhum dum inbel chungin Police te hma ah a thingthi a, pawisawilo mipui kawngzawh te chunga zahngai hram turin khawngaih a dil a, tumah kap lo tur leh man lo turin alo ngen sak lawm lawm a ni.

Mipui chunga tawrhna an thlen sak zel dawn a nih chuan ama nunna zawk laksak mai turin a hrilh. Hetih lai hian Police te pawh a hma ah thingthi ve in kawng zawhtu te an hnawh rem theihna turin an tih ngei a tul si a ni tiin an lo chhang let.

February 28 pawh khan midang chhan nan Police te hma ah alo ding tawh a, an nun chhan nan a ma nunna ngei pawh in tuar se pawi a tilo tih a sawi.

Mahsela Myitkyina ah hian silai hmehpuah ah mi 2 ten an nunna an chan tho tih hriat a ni a,Sister Ann Roza chuan Sky News te hnen ah “chhun dar 12 vel khan an lo kal a, an bulah kalin an hma ah chuan silai hmetpuak lo tur leh midang man lo turin ka ngen tawp. Mahsela a hnu ah tear gas hmangin chu chuan ka thawk that theih loh bakah ka lu a hai chhul. Khawlaia mi pakhat an kah avanga a tlu kha chu ka hmu thei ruak” tiin a sawi.

Tear gas vangin engmah a hmu hleithei lo a, silai hmetpuak tu ber a hrechiang thei lo. Mahsela Officer hma a khawngaihna a dil tak te thil tih erawh a nih loh hram a beisei thung.