Mizo Elite News hi ṭha i tihzawng a nih chuan min lo Follow dawn nia

Saif Ali Khan Fapa Ibrahim Bollywood Ah A Debut Ve Dawn?

Indian Film Actor leh Producer, Saif Ali Khan fapa Ibrahim Ali Khan (kum 19) chu a pa hnung zuiin Acting ah zuang lut turin a inbuatsaih.

A pa Saif Ali Khan chuan Interview thar ber a neih ah a fapa Ibrahim chu Acting a a career ṭan turin a in puahchah mek niin a sawi a, Bollywood ah debut in Film lam ah a hmel hmuh thuai a beiseiawm.

Saif chuan Spotboye hnen ah a fate zawng zawng chu a eizawnna lemchan ah kal vek se a duh thu a hrilh. “Ka fate zawng zawng hi he profession ah hian lut se tih ka duh. A chhan pawh hnathawhna hmun ṭha ber a ni. Acting hian mahni intihchhiat tur lak aṭang min chhan him thei a ni” tiin a sawi , kum 17-18 a nih laia a nun a buaihnawk ve zia thu sawiin Acting in a chhanchhuak a ti.

A fanu Sara Ali Khan phei chu Bollywood ah hna a thawk der tawh. Sara hi Bollywood film Kedarnath leh Simmba ah te a inlan. Ibrahim erawh Magazine cover vel ah chauh a la inlan a, a unaunu Sara nen clothing brand an fak dun. Nikum khan Saif hian a fapa Ibrahim hi acting a luhchilh tak tak hma university education zo hmasa phawt turin a ti a ni.

Ibrahim leh Sara Ali Khan te hi a nupui hmasa Amrita Singh laka a fate an ni a tuna a nupui Kareena Kapoor Khan nen hian fapa pakhat Taimur nei in an fa pahnihna tur an beisei leh mek bawk.

Hindustan Times