Mizo Elite News hi ṭha i tihzawng a nih chuan min lo Follow dawn nia

Russian YouTuber Pakhatin A Lirthei Manto Mercedes Chu Hlim Pui Lovin A Hal Kang Hluah

Mawl i tilo a nih pawh in â i ti ve viau mai thei. Mi hausa leh neinung tak tak pawn a thil tih ang hi chu an tih duh kher a rinawm loh.

Russian Youtuber pakhat chuan a lirthei man to tak Mercedes chu hal kang in, a hal lai video hi Youtube ah a rawn phochhuak a, mite ngaihven pawh a hlawh phah in mak an ti zui ve vawng vawng.

Amah hi a hming Misha/Mikhail nia tarlan a ni. Mercedes a hal model hi Mercedes AMG GT63 a nia, a man pawh a tlawm thei lo nasa. $150,000 vel bawr anga chhut a ni.

Chutiang khawp a to si chu engtin nge hetia a hal mai theih. Tarlan dan chuan Mikhail hian a Mercedes ah hian harsatna a tawk a, local Mercedes dealer te chuan an uk sak ṭha silo an lakah pawh a lungawi lo hle, a lirthei man to chu hlimpui lovin a hal phah ta a ni awm e.

Video hi October 24 khan a dahchhuak. Mi maktaduai 11 chuang zet thlir tu a nei thei a, subcribers hi maktaduai 5 a nei kai lek lek tawh bawk.

Video ah hian a Mercedes hnung aṭang chuan gasoline phawrh in a theh huh hmasa vek phawt a, a hal ta a ni. Amah lah chuan pawi ti hmel pu lo leh engmah thleng lo ang maiin sausage te alo ei san vel mai mai leh nghal.

IT