Mizo Elite News hi ṭha i tihzawng a nih chuan min lo Follow dawn nia

Russian President Leh Ram Hruaitu Dang Ten Joe Biden Lawmpuina La Hlan Thei Lo

US Election chu boruak a ṭang chho at at hle a, US President thar tur pawh puan ni tawh mahse thil engmah ala fel thei chuang lo. Democratic leh Republican te ah inchirhthehna nasa tak thlengin buaina neuh neuh a chhuah phah.

Democratic Candidate, Joe Biden chu US President 46 na tur tih puan a ni. Mahse Trump Support tu lam an lungawi thei bik lo. Inthlan lai reng aṭang tawh khan a buai hnawk nuai a ni e.

Biden leh Trump te boruak vang hian ram hruaitu dang te thawm pawh a la dai ṭhiap mai. Russia ram hruaitu President Vladimir Putin ten US hruaitu thar Joe Biden hi lawmpuina an la hlan thei lo. A chhan pawh legal challenges hi a daih hma loh leh US Election result hi a official phawt loh chuan an tum lo tih Kremlin in Thawhṭanni khan an puang.

2016 a Trump President a tlin khan Putin leh ram hruaitu dang ten hrilh hriat hranpa ngai lovin lawmpuina an hlan vat a, mahse tunah chuan an beng an la chhu ngawng ve tlat a ni. Tun thleng in ka an la ang lo. Hei hian awmzia eng emaw tak a nei tih a lang reng bawk.

Putin’s spokesman Dmitry Peskov chuan legal challenges hi chin fel a a dik ngei tih hriatchian hun leh official announcement an nghak mek a ni tih reporters te a hrilh a,chumi hun ah chiah chuan lawmpuina chu inhlanthei an ni a ti.

Russian bakah hian ram dang hruaitu te ho China, Brazil, Turkey leh Mexican President Andrés Manuel López Obrador te chenin legal challege hi a fel fai hmasak phawt hun an nghak an ti ve bawk.

Senior Turkish official chuan “Election a hneh tu hi result dik a chhuah hun ah Official a nih tak tak ah chauh Turkey in lawmpuina a hlan ang. U.S. mipui leh democracy hi kan zah a ni,” tiin Omer Celik, spokesman for President Recep Tayyip Erdogan’s ruling party in a sawi. Celik hian Trump leh Biden te hi an hriatchian ve ve a nia, a tu pawh chaktu chu lo nise hnathawhpui turin an inpeih a ni” a ti.

Ram dang hruai tu te hi an lo fing khawp mai. Lawmna leh duhsakna in hlan nan khua a tlai lo a ni tih an hrechiang viau a ni.