Mizo Elite News hi ṭha i tihzawng a nih chuan min lo Follow dawn nia

Russian Hruaitu Vladimir Putin Dinhmun Ṭha Lo Zel, A Cancer Tih Sawi A Awm Leh

Russian President, Vladimir Putin,68 hi tunhnai chho khan a hriselna dinhmun chungchang ah sawi sep sep a tam a, a ṭha lo viau ang tarlan a ni.

Russian scientist and historian Professor Valery Solovei chuan Russia ram hruaitu hian tunah hian natna khirh tak veiin Cancer natna in a tlakbuak mek a, February ah pawh emergency surgery a hmachhawn thu a sawichhuak.

Moscow State Institute of International Relations a former head of PR hial Valery Solovie hian a hma pawn Putin hian Parkinson’s disease natna a vei mek tih a sawi tawh. Russia leader hian a hriselna chungchang vang hian kum thar tir January thla ah a thuneihna aṭang hian chawl tawh in a ai awh turin a fanu Katerina Tikhonova chu ruat a tum ni awm in thu a thang a ni.

Putin damṭhat leh ṭhat loh chungchang ah Solovei an Parkinson’s natna a nei anga a sawi ah khan Kremlin lam chuan thu awmze neilo leh dawt mai a ni tiin President chungah hian engmah thil thleng a awm lo niin an lo pha tawh.

Source ṭhenkhat phei chuan Putin Cancer a Operation a neihna hi a pum (abdomen) ah a nia, Parkinson’s a vei tih sawi a nih aṭang chawlhkar 2 hnu ah Cancer a vei tih hi a ri leh ta a ni.

A aiawha a thuneihna fawng vuantu tura sawi a fanu Katerina Tikhonova pawh hi a nep hauh lo. Physics leh Mathematics ah te master’s degree lai nei a ni.

A hma aṭang tawhin Putin hriselna chungchang hi a ram mipuite ngei pawn an ngaihven ru reng tawh ṭhin. A fanu leh a hmangaih hmeichhia Alina Kabaeva te pawn an ngaihtuah vangin kum thar ah chuan a thuneihna aṭang hian chawl tawh mai turin an lo ti ve hial a. Cancer a vei hi a dik ngei a nih chuan Parkinson’s ai in a nunna atan a hlauhawm daih, Parkinson’s Disease kha chu Cancer lakah chuan ala nep zawk.

Kremlin spokesman Dmitry Peskov in Solovei tawngkam chhakchhuak aṭang media ten report an siamah hian dawt ti mahse thudik leh chiang zawk erawh hriatchhuah a la ni thuai ang.

Dailystar