Mizo Elite News hi ṭha i tihzawng a nih chuan min lo Follow dawn nia

Russian Hmeichhe Pakhatin Inbualna Ah A iPhone Charge Lai Thlauh Palhin Nunna Chan Phah

Russian city Arkhangelsk ah hmeichhe pakhat chu a inbualna tui ah a iPhone charge lai a tih tlak palh hnu ah Electric tha chak tak chuan man zuiin nunna a chan phah tih hriat a ni.

Vanduaina tawk tu hmeichhe hming hi Olesya Semenova, 24 a ni a, a ruang hi a flatmate chuan a inbualna ah a lo va hmu. “ka va hmu chiah kha ka rak chhuak nghal thawt a, amah a dang vek bakah thawk pawh a thaw tawh lo a ni” tiin a ruang hmu hmasa tu estate agent, Daria chuan emergency operator te a hrilh.

Daria chuan Olesya Semenova taksa a khawih hian amah ngei pawh electric in a shock ve thu a sawi tel bawk. Paramedics ten thil thlen dan an enfiah hnu ah chuan Semenova hi Electric tha chakna in a man vanga nunna chan ngei a ni tih an nemnghet a ni.

Semenova hi thuamhnaw dawr a hnathawk a nia, a hma pawn inbual laia a Selfie na tih ang reng a phochhuak hmuh a ni. Russian emergencies ministry lam in hetiang thil a thlen tawh loh nan fimkhur turin mipui te an ngen nghal.

August thla lawk pawh khan zirlai tleirawl Anna K, 15 chu Moscow ah inbualna ah vek Electric Shock vangin a boral tawh a, kum liam ta ah Poker Star lar tak Liliya Novikova, 26 pawh bathroom ah vek thi a chhar a ni bawk. A ni pawh hi Electric shock vanga boral ngei nia hriat a ni.

DM