Mizo Elite News hi ṭha i tihzawng a nih chuan min lo Follow dawn nia

Rukru A Ni Tih Inziahna Lehkha Awrhin Market Pawn Ah Ṭhut Tir A Ni

Rukruk hi thil sual zawng zawng ah chuan zahthlakber a ni hial awm e. Thil i ru lai an man che a nih chuan a man tu che khan engtik ah mah a ring leh thei tawh kher lo ang che.

China ram ah nu pakhat kum upa tawh tak chu Supermarket pawn lam ah lehkha a thu inziak awrh in ṭhut tir a ni a, lehkha ah chuan rukru a nih thu leh a vawithumna hial a nih tawh thu in ‘thief, stole for the third time’ tih a inziak.

Dawr nghak tu chuan hetiang hremna hi a pawm tih a sawi. Thil thlenna hmun hi Zirtawpni liam ta a Foshan, southern China’s Guangdong Province ah a ni. Rukru kum upa tawh tak hi a hming erawh tarlan a nilo thung.

Ms Zhong chuan dawr ah hian he hmeichhia hian groceries leiin a kal a,a thil lei ṭhenkhat a pek laiin a rukin pork chops chu a bag ah alo thun zal zal a, ruk a ru lai hi staff member te chuan an lo hmu reng a ni a ti.

Ms Zhong hian tun hi a vawikhatna mai a nih tawh loh thu a sawi bawk a Police hial a koh phah. A chhungte hnen ah hian ruk a ruk vangin fine pe turin an ti a, mahsela fine hi an pek sak duh lo. Dawr lam hian a chhung ten fine an pek duh loh vangin zak takin heti hian hremna an pek phah.

DM