Mizo Elite News hi ṭha i tihzawng a nih chuan min lo Follow dawn nia

Ruihhlo chungchang ah Bollywood Star Shah Rukh Khan fapa Aryan Khan man

Milar fate hi an pian tirh atang reng in sum leh pai ah buaina an nei lo. An nu leh pa te thlazar hnuai ah an duh leh mamawh tinreng an nei a, heng te vang hian milar fa duat sual fe fe hi an awm ve nual mai.

Bollywood lemchan thiam zinga hriat hlawh leh lar rei ber pawl Shah Rukh Khan fapa upa ber kum 23 mi Aryan Khan chuan India ram mipui te hma ah a pa hmel a rawn tibal hle a, ruihhlo kaihhnawih thil ah a inhnamhnawih ve in a lang ta tlat.

Aryan Khan leh midang 3 te chu October 3 khan Narcotics Control Bureau (NCB) ten man in ruihhlo chungchang ah thu zawhfiah turin an lo ko a, midang 5 te pawh thu zawt tura koh zingah sawi an ni bawk.

Aryan hian hlimhlawp bawlna ah hun hmangin cruise ah Party an lo huaihawt a, Narcotics Control Bureau ten nangching in an lo va thawng thut. Thuneitu te hian an va endik thut ah hian ruihhlo (drugs) lam chi an hmuchhuak nual a, thu zawhfiah turin an hruai zui ta a ni.

NCB lam te sawi dan chuan Party na ah hian cocaine 13g, MD 5g, charas 21g,MDMA mum 21 an man bakah pawisa cheng nuai 1 bawr vel an man tel. Aryan Khan, Arbaaz Merchant leh Munmum Dhamecha te hi Sir J.J. Hospital ah medical tests turin hruai an ni phawt a, a hnu ah NCB office ah an hruai let leh.

The Hindu chuan Aryan leh midang lakah hian Sections 8C, 20B, and 27 read, 35 of the Narcotics Drugs and Psychotropic Substances Act. Section 8 (c), 20 (b) deals with possession, purchase, sell, transport of drugs hmangin thubuai an siam a October 5 thleng NCB custody ah hren turin an ti bawk.

Bollywood hi a pawn lam lan ang ngawt hi a nilo. Hman ni a Film star, Sushant Sigh Rajput boral atang tawh khan Bollywood hi ruihhlo in a chiahpiah nasat zia leh star dang te pawh an fihlim bik lo loh zia hailan alo ni tawh a ni.