Mizo Elite News hi ṭha i tihzawng a nih chuan min lo Follow dawn nia

Ruahsur Kara A Fanu Online Class Kal Mek Chu Nihliap Nen A Veng

Pandemic hian zirlai mi eng emaw zat nasa takin a nghawng a. Internet that lohna hmun thingtlang a cheng te tan ngat phei chuan Online Class hi phurrit a tling.

He thlalak hi Internet ah a lar viau. Karnataka’s Dakshina Kannada district a mi a ni a, thlalak a hmeichhia hi Udit Shyam niin Balakka village, Sullia Taluk a zirlai a ni.

Udit Shyam hi an awmna ah Network a that tawk loh vangin Network thatna hmun ah Online Class a kal a, mahsela Class a kal laklawh lai mek hian ruah lo sur thutin a pa chuan ruah laka a him nan nihliap in a lo zawn.

Thlalak ah hian Udit Shyam hi kawngpui a footpath ah a thu a, a pa chuan nihliap in a bulah a lo veng. Thingtlang a zirlai ten an zirna tura an beihna leh a awlsam loh zia Udit Shyam te pafa thlalak a tang hian a chiang hle.

India Today hnena a hrilh dan in an awmna a Network a that loh vangin Udit Shyam hian pawn lamah Class kal tur in a chhuak fo thin tih a sawi. “BA degree nei turin ka bei mek a, Balakka, Sullia Taluk ah kan khawsa a, kan awmna ah hian network ah harsatna tawkin Internet tello chuan class a kal theih siloh. Coronavirus pandemic a nih atang heti lai ah hian zirlai 30-40 vel kalin Online Class kan zawm thin. Monsoon ah pawh zing dar 9 atang chawhnu dar 1 thleng kan awm a, lunch kan ei zawh ah te kan kal leh bawk. A chhan chu hmun dang ah network a awm lo. BSNL chu awm ve mahse a muang hle a ni” tiin a sawi.

Zirlai tam tak chuan hripui vangin hetiang ang dinhmun harsa tak hi an tawng chho mek a ni.