Mizo Elite News hi ṭha i tihzawng a nih chuan min lo Follow dawn nia

Ronaldo chuan Georgina tan inhualna zungbun cheng vaibelchhe 5 chuang man a leisak

Infiamna leh brand hrang hrang te nen inremna an neih aṭang te in sum tam tak a thawkchhuak a, Ronaldo hian heng a pawisa te hi a hmangaih te tan pawh a ui lo hle.

Footballer zinga Billionaire hmasa ber a sawi Cristiano Ronaldo chuan a kawppui Georgina Rodriguez tan inhualna zungbun to tak mai a lei sak thu report a awm.

British chanchinbu The Sun chuan Cristiano Ronaldo an Georgina hnen a inhualna zungbun a pek thu hi a tarlang a,thla liamta a French Riviera a holiday an hman ṭumin a pe. Georgina hian rose par kenga a thlalak Instagram a a post ah pawh zungbun a rawn bunchhuak va va hmuh a ni bawk.

Inhualna zungbun man ringawt pawh hi a man a to ṭha rem rem hle a The Sun in a sawi dan chuan zungbun man hi £615K lawih niin hei hi India pawisa chuan cheng vaibelchhe 5 chuang (Rs 5.7 crore) zet a ni hem mai.

An ni pahnih hi 2017 aṭang khan intawng in an inkawp chho ṭan a, an inkarah hian fanu kum khat mi Alana Martina an nei tawh bawk. Ronaldo hian fa phir bakah fapa Cristiano Jr a nei a, an vaiin an cheng ho. Inneih leh inhualna awm lo in Ronaldo leh Georgina te hi rei tak an khawsa dun tawh.

Georgina hian 2018 khan Ronaldo nen an inneih tur thu a lo sawi tawh. “Inngaizawng ten an suangtuah ṭhin chu innei a nupa a insiam vat a ni. Mahsela tunah rih chuan a la theih loh. Hun lo la awm turah eng tik ni ah emaw chuan Ronaldo nupui hi ka la ni ang” a ti a ni.

Ronaldo eizawnna kawng ah pawh Georgina hian alo ṭawiawm ṭha ṭhin hle. Football event hrang hrang Champions League final, Italian League Cup finals, EURO leh FIFA World Cup matches ah te pawh a hmel hmuh a ni.

DNA