Mizo Elite News hi ṭha i tihzawng a nih chuan min lo Follow dawn nia

Ronaldo An Mother’s Day Pualin A Nu Hnenah Mercedes A Pe

Juventus Star, Cristiano Ronaldo chuan a hringtu a nu a hmangaihzia leh a duat zia a lantir leh ta a,Pathianni khan Portuguese Mother’s Day lawm niin Mother’s Day pual hian a nu Maria Dolores hnen ah thilpek ropui tak a pe.

Maria Dolores hian a fapa Ronaldo hnen aṭang hian Mercedes brand thar mawi tak mai a dawng a, a lirthei thar hi thlalak puiin a Social Media ah a fapa chungah hian a lawmzia post a siam ve hial.

Ṭum 5 lai Ballon d’Or lo dawng tawh tu Ronaldo tan hian a nu Maria hi a hringnun ah hmun pawimawh tak a chang a, tun dinhmun a thlen theihna chhan pawh hi a nu vang liau liau a ni tih hria in Ronaldo pawh hian a zah hle.

Portuguese Mother’s Day hi May thla Pathianni hmasa ber ah lawm ṭhin a ni. Ronaldo hian he hun lawmawm ah hian a nu bakah a bialnu Georgina Rodriguez nen Wish a hlan.

Ronaldo nu Maria hi tunah kum 65 a upa a ni tawh a, kumin mai khan Stroke natna avangin damdawiin ah enkawl a ni.

DM