Mizo Elite News hi ṭha i tihzawng a nih chuan min lo Follow dawn nia

Ronaldo a’n a pawngsual anga puhtu Model in a khawihchhiat vangin Vaibelchhe 500 chuang sum a phut hem

Former model Kathryn Mayorga hian Footballer lar tak mai Cristiano Ronaldoa’n kum 2009 khan a pawngsual niin a lo puh a,hei hi a tirah kha chuan a lar hluai a, amaherawh chu Prosecutor ten an ngaihtuah hnuah Ronaldo chu thubuai siam sak a nih dawn loh thu an lo sawi tawh.

Mahsela he Model Kathryn Mayorga hian mualpho thlawn mai a tum lo a, Ronaldo lakah hian a zahawmna tihchhiatsak manah sum tam tak a phut a ni.

Ronaldo an a khawih chhiatna man a chawitura a tih zat hi 56 million pounds zet a tam a ni a, 18m pounds hi a tawrhna hrehawm tak vang a ni a, 18m pounds hi hma hun lo awm tura a tawrhna tur leh 18m pounds dang chu a hremna man tur hrim hrim atan a ti. Hei bakah hian legal fee a ti tel cheu a, a zavai belhkhawm a chawi tura a tih zat hi India pawisa in cheng vaibelchhe 579 zet a nih chu.

Kathryn Mayorga in a sawidan chuan 2009 khan Las Vegas hotel room ah ngei Ronaldo hian a sual tih a sawichhuak. Ronaldo erawh in Mayorga in a puhna chu dawt chiang lutuk a nih thu in a tang nasa ve thung. Pawngsual hi sual ah pawh tuihnailo leh tenawm bera a ngaih thu a sawi a,a duh lo hulhual thil a ni a ti.

Hetih lai hian Mayorga chuan Ronaldo hian a ka hup nan pawisa a pe tih a puang. A legal team ten list an file ah chuan testify thei tur thu hretu mi 60 aia tam an nei a,chung zingah chuan British former Big Brother star Jasmine Lennard, 35 te pawh an tel nuk.