Mizo Elite News hi ṭha i tihzawng a nih chuan min lo Follow dawn nia

Rohingya Hmeichhia Chu A Fate Hmuh Lai Rengin A Pasal In That In A Fate A Kiangah An Ṭap

An fate pawh naupang tak tak chauh an la ni. Myanmar mi Rohingya hmeichhia Noor Begum Dil Muhammad, 28 tia koh chu an chenna Kampung Gong Garu, Pasir Puteh ah a pasal in hriam hrei hmanga beiin a nunna a laksak tih Harian Metro chuan a tarlang.

Thil thlen hun hi June 17 zinglam dar 9:30am bawr vel khan a ni a, a pasal kum 32 a upa hian chawhmeh channa chemte in alo vithlum a ni awm e.

Hetia a nupui chem hmanga a vih lai hian a kiangah an fate pahnih kum 3 leh kum 4 te pawh awm ve in an pa chetdan rawng tak mai hi an hmu reng a ni.

An thenawm a mi Maimun Chik, 47 chuan thleng vel a silfai laiin an chenna aṭanga thawm ri bengchheng hi a hriat thu a sawi a in aṭanga a tlanchhuah chuan Noor Begum Dil Muhammad hi thi hnuanga a let reng leh a kianga a fate an lo ṭap chu a va hmu ta tih a sawi.

Maimun chuan Noor Begum Dil Muhammad te chhungkua nen hian thla 2 erh awrh chauh ṭhenawm an la nih thu a sawi a, a hma in Jertuh, Terengganu ah an lo khawsa ṭhin.

An nupa in hau thawm hi alo hre fo tawh a, mahsela heng chen chen a thlen hi a rinloh thu a sawi ve bawk.

Naupang 2 te hi an chhungte hnen ah dah an ni a,Noor Begum Dil Muhammad hi Tengku Anis Hospital ah investigation nei tura lak a ni.

A pasal pawikhawih tu nia puh hi Kota Bharu area ah an man tawh a,tual thah vangin Section 302 hnuai ah thubuai an siam sak nghal.

WOB