Mizo Elite News hi ṭha i tihzawng a nih chuan min lo Follow dawn nia

Rod Hmangin A Pasal Nu Nunna A Lak Sak

Nu leh mo inngeih lohna leh in nghir nghona chhungkua reng chhungkaw nuam tak tia sawi a ni ngai lo.

Gujarat’s Ahmedabad city ah mo in a pasal a nu nunna a laksak tih hriat a ni a, nunna chanta chhungkaw nu hi kum 52 a upa Rekha Agrawal a ni. Police te chuan chhungkaw inkar buaina vang niin an puh.

Tualthattu nia puh a mo hi kum 29 a upa Nikita Agarwal a ni. Thla 10 liam ta khan a pasal Rekha Agrawal fapa Dipak nen hian an innei.

Dipak te chhungkua hi Gota ah granite business an enkawl a, Gota a Royal Homes Flats ah an cheng. An pa ber Ramniwas chu Covid19 a positive vangin October 24 khan Private Hospital ah admit a ni.

Rekha Agarwal leh a mo Nikita te hi an pahnih chauh a in ah awm in an intibuai niin an ṭhenawm a mite chuan an sawi a, an awmna flat aṭang thawm bengchheng an hriat thu ṭhenawm ten Dipak hi Phone in an hrilh.

Dipak chuan a nupui hi vawi tam a phone pawn a chhang thei lo. Zan dar 8 velah chuan Scooter in In lam ah a haw thuai a, in a va thlen chuan a nu Rekha Agarwal chu thisen tam tak chhuaka a let reng chu a hmu. A lu ruh te hial keh in a thluak te a lang thaw thang tih TOI phei chuan a report. A nu kiangah hian a hliamna iron rod hmuh a ni bawk.

A nupui Nikita erawh bedroom ah a lo inkalh tlat. Rekha Agarwal leh a mo te hi an inngeih vak lo nia sawi a nia. Nikita hi a pasal nu thattu a puhin Sola police ten an man tawh. Nikita hian thla 5 a upa nau a pai mek bawk a ni awm e.

TOI & IT