Model, Hailey (Baldwin) Bieber chuan hmanni deuh lawk atang khan YouTube luhchilh tan in reilo te chhungin a hlawhtlinna a tel nghal der.
Hailey hi hriat theuh angin Model a nih bakah a pasal khawvel a Pop Star lar ber te zinga mi Justin Bieber a ni a, hetiang dinhmun thla tlemte chhung a a thleng hi a awm lo hran lem lo.
YouTube Channel a neih atang a thla 2 lek hnu ah Hailey hian “YouTube Creator Awards,” pahnih lai a rualin a dawng thawt a, fans te pawn mak an ti. Youtube in an tisual palh a nilo maw tih hial in sawi a ni.
Amaherawhchu YouTube hian thil an tisual reng reng lo a, Hailey hian YouTube ah hian hun reilo te ah subcribers maktaduai chuang a neih theih vangin Buttons pahnih hi a rualin hlan a ni.
“YouTube Creator Awards” hi YouTube sponsors atang niin subcribers 100k ah silver plaque an dawng a, 1Million ah gold plaque dawngin 10-million ah “Dimond Play Button,” an dawng thin. Heng Awards dawn hi Youtuber te in elna peng pakhat a ni bawk.
Hailey hian youtube content a thlang thiam bawk a, “Cancel culture, mental health & social media” topic te sawi in thil hlimawm deuh deuh “STYLE CHALLENGE with Hailey Rhode Bieber.” te a phochhuak thin bawk.