Mizo Elite News hi ṭha i tihzawng a nih chuan min lo Follow dawn nia

Rihanna leh A$AP Rocky ten chhungkaw din a nupa a insiam an tum hnai

Singer, Rihanna leh a bialpa rapper, A$AP Rocky ten an fa hmasa ber tur an pai mek thu puanzar a nih hnu ah thu thar dang lawmawm tak an nei tih hriat ani.

Rihanna hian a naute pa A$AP Rocky chu damchhunga a kawppui ni turin a thlang fel a, nau an neih zawh veleh chhungkaw pangngai dina cheng ho turin pasal ah a nei dawn tih an sawi. Rihanna hian an ram Barbados ah inneihna hi hman a duh bawk ani.

Source rintlak takin Sunday Mirror hnena a hrilh danin Rihanna hian A$AP hi a thinlung takin a hmangaih a, an inkar pawh a tha in an induh tawn tak zet an ti. Inneihna hi a thleng ngei dawn a, Riri hian an inneih tur chungchang pawh a thian hnai te a hrilh hre tawh a, A$AP chu damchhunga awmdun pui a duh tia tarlan ani.

Inneih hun erawh chiang taka tarlan theih mai a la harsa a, mahsela Rihanna hian naute a neih fel phawt loh chuan a la theih loh. Inneihna hmun atan a Barbados an thlan kher chhan pawh Barbados hian an pahnih ah hmun pawimawh tak a chelh vang ani. Tin, Rihanna chuan a naute lo piang tur Godmother atan Prime Minister of Barbados Mia Mottley, 56 chu a ruat dawn tih an puang.

Rihanna hian a rai chungchang hi a tirah mumal takin thuchhuah a siam hran lo a, New York khawpuia A$AP Rocky nen an inzuichhuahna a an thlalak atangin hriat ani. Hemi hnu lawk hian Instagram ah a pum puar lian tak chu post siam zui nghal in nau a pai ngei tih a nemnghet.

An pahnih hian a tirah thian angin bul an tan hmasa phawt. 2020 kum tawp lam ah Rihanna hian Rocky hi an chenna Barbados ah a pa leh a chhungte dang hma ah inhmelhriat tirna alo nei tawh ani.