Mizo Elite News hi ṭha i tihzawng a nih chuan min lo Follow dawn nia

Rihanna Leh A$AP Rocky Te Inkar A Kaltluang Zel, Music Video Thar Buaipuina Ah A$AP A Telve

Milar te pawh tun hripui leng chu hman tangkai dan an thiam hlawm khawp a, a then hmangaih te nen in khatah inkhung dun in thenkhat ten hmangaih thar an tawng nawlh nawlh hlawm bawk.

Entertainment News luah hneh tak pahnih te chu zaithiam Rihanna leh a bialpa rapper A$AP Rocky te inngaihzawn thu hi a ni a, tunhnai te hian an ni pahnih hi an inzuichhuak leh an hun hmang dun hmuh tur a tam chho tan hle tawh bawk.

July 10 khan Rihanna hian a Music Video thar tur buaipuiin Shooting a nei a, Filming neihna hi Bronx district, New York ah a ni. MailOnline te tarlan dan in hetah hian A$AP Rocky chu a bialnu thar Riri kiangah hian a awm ran a, an kut inkaiin an infawp hmuh a ni bawk an ti.

A$AP Rocky hi Riri music video thar ah hian a inlan tel ve dawn leh dawn loh hi sawi la ni chiah lo mahse, a hmel kan hmu thut mai thei bawk a ni.

Kum 5 hnu ah MV thar rawn chhuak leh tur ah hian Riri fans tam tak te an phur thak tan tawh khawp a, The Sun chanchinbu in Diamond’s singer hian album thar pawh a buaipui a, amaherawh chu Pandemic vangin a hun hi a Cancel phah niin an report.

Hmangaihna hruikhat an vawn hma in A$AP Rocky leh Riri te hi thian tha tak an ni sa hrim hrim a, thian thatna atang ramri pel hlekin 2020 chawhnu atang khan an inkarah hmangaihna a piang tih hi sawi a awm tan. Hei hi Riri bialpa hmasa Arabian billionaire Hassan Jameel nen an inthen fel hnu ah a ni.

Rihanna hi zaithiam zingah hlawhtling ber leh hla hralh tla ber pawl a ni. A Career ah 9 Grammy Awards, 13 American Music Awards, 12 Billboard Music Awards, leh 6 Guinness world’s records te a hui tawh. A$AP nen hian 1988 a piang ve ve an nia, A$AP Rocky hi chu 2011 ah debut in Grammy Awards ah vawi hnih lai nomination a hmu bawk.