Mizo Elite News hi ṭha i tihzawng a nih chuan min lo Follow dawn nia

Rhea Tlawm A Tum Lo, SSR Bialnu Hlui Ankita Lakah Phuba Lak A Tum

Rhea Chakraborty chu ruihhlo leh damdawi vanga man a nih hnu ah bail a chhuah a ni a, a chunga thil thleng zawng zawng hmingchhiat leh mualphona a tawrh ah tlawm mai a tum bik lo.

Rhea chuan Bail a chhuah a nih hnu ah a target hmasa ber tur chu SSR bialnu hlui Ankita Lokhande a ni tih sawi a awm ta.

Ankita Lokhande lakah hian Rhea hian amah tihhmingchhiatna Defamation Case a file dawn nia tarlan a ni a, Ankita hian SSR thihna a Rhea thiamlo a puh a nih lai khan a ngawi tlat a, amah tihchhan deuh tak tak in ṭawngkam mei nei tak tak Social Media ah a tarlang.

SSR chhungte pawh in hei vang hian a lam an ṭang hle. Depression nei anga an sawina pawh Ankita hi chuan a pawmpui hleithei lo a ni. SSR thihna ah hian Rhea hi a puh ve tho a, ruihhlo a khawih pawh a hriatpui thu thlengin a sawi.

Ankita laka Rhea in Legal Action lak a tum chungchang hi nemnghetna chiah ala awm lo na chungin India ram chanchinbu Times Of India te pawh in an puang dur dur tawh. Thu chiang hi puan vat beisei a ni.

Ankita hian Rhea hi direct tak silo in inngaihbel theih tur tho siin a bei. NCB ten September 8 a Rhea an man khan “Nothing happens by chance, by fate. You create your own fate by your actions. That’s karma.” tiin a phena ruk tak thil inphum si post a siam.

October 7th, 2020 khan Bail in Rhea chhuah lailawk a ni. Hmingchhiatna leh mualpho na a tawrh zawng zawng hi a palzam bik mai chu a rinawm loh a ni.

IT