Mizo Elite News hi ṭha i tihzawng a nih chuan min lo Follow dawn nia

Rhea Hringtunu In An Chhungkua Tihchhiat A Nih Thu Leh Chumi Vanga Intihhlum A Tum Hial Thu A Sawi

SSR thihna avangin Rhea Chakraborty chu mawhphurtu ah puhin misual ber angin an chuk rawn luai luai a, Ruihhlo leh damdawi hman thubuai ah NCB in man in Jail lama khung a nih hial hnuah High Court in Bail in a chhuah.

Rhea bail a chhuah a nih ah pawh hian lungawilo fe fe an awm nual bawk. Court in a fanu a chhuah hnu ah Rhea hringtunu a ṭawngchhuak a, an chhungkua chu tih mualpho mai chu sawiloh an tichhe vek niin a sawi a ni.

Sandhya Chakraborty chuan an chhungkaw chunga thleng chuan a tih beidawn zia sawichhuak in mahni intihhlum hial a tum hman rum rum thu te a sawilang.

A fanu nun zawng zawng tihchhiatsak a ni a, kha tih hun chhunga a thil tawn zawng zawng aṭanga ṭhachhuak a ngai a awh leh theih hun tur pawh a hrelo. Hei hian a ti lungngai in nu thinlung leh rilru aṭang chuan a hrehawm viau a ni.

Mahsela Sandhya Chakraborty chuan a fanu chu mi chak tak a ni a ti a, a hun tawn rapthlak tak aṭanga ngai a awh leh theihna turin a theihtawpa ṭanpui a tum bawk.

An chenna in lama a kir chuan a nu te hnen ah “Engvang in nge in lungngaih? He inbeihna hmachhawn tur hian kan chak tur a ni” tiin Rhea hian a lo hrilh bawk.

“Ka fate jail a an tawrhna ka ngaihtuah in khumah reng ka mu thei tawh lo a, engmah ei thei lo in ka awm. Zan lai a ka ṭhangharh chuan hlauhna in mi man. Kan chhungkua hi a kua/kil tawp chu sawi loh min suasam in min tichhe vek” tiin Sandhya hian alo sawi.

IT