Mizo Elite News hi ṭha i tihzawng a nih chuan min lo Follow dawn nia

Rhea Chakraborty In Sushant Singh Rajput Thihcham Pualin Thu Lungkuai Tak Mai A Hnuchhiah

Fans tam takin tun thlengin Bollywood Actor, Sushant Singh Rajput thihna kha an la tuar hle a, a thih atang a kum a vei hnu ah pawh a chanchin hian sawi a la bang hleithei lo.

June 14 kha Sushant Singh Rajput thih atanga kum 1 a ni a, nikum 2020 khan Mumbai a a chenna ah inawkhlum a hmuh a ni. A thihcham vawikhatna thleng ah hian sunna hrang hrang tarlan a ni.

Fans te ngaihven hlawh em em mai pakhat chu a bialnu Actress, Rhea Chakraborty in a Sushant thihcham a post lungkuai leh runthlak tak a hnuchhiah kha a ni.

Rhea hian SSR thihna avanga a tawrhna zawng zawng chu dah bovin Sushant chu a thihcham ah hian a ngaihzia leh lo kir leh tura a duh zia thinlung na tak nen a puangchhuak.

“I awmlo a ni tih hi rin harsa ka la ti fan a, i awmlo tih hi ka pawm thei lo a sin. Hun leh niin a herliam pui mai ang tiin hnemna thu ka hre thin. Mahse nang hi ka hun leh ka engkim i ni. Chunglam atang khan i telescope hmanga min thlir in min lo veng reng a ni tih ka hria. I kianga min hruai ve hun nghakin ka ngaichang reng che. Ka bulah min awmpui tlat a ni tih ka hria” a ti.

Hei bakah nitin mai a a ngaihzual zel thu leh a thinlung chhun ang maia a tihnat thin thu te a sawi tel. Sushant boral hlim khan Rhea Chakraborty leh a chhungte hi dem leh diriam hlawh nasa ber an ni.

A lakah FIR register a nih hnu in Jail bang hial zut tir a ni a,Sushant hringtupa chuan Rhea chu a fapa sum leh pai ti chingpen tu ah a lo puh bawk. Tun thleng hian Case hi a la kal reng a, CBI ten kil tin atangin ngawrh takin chhuihna an thawk mek zel a ni.