Mizo Elite News hi ṭha i tihzawng a nih chuan min lo Follow dawn nia

Rhea Chakraborty Bail Dilna High Court In A Pawm Sak

AIIMS lam in Sushant Singh Rajput thihna a rehhlum leh tûr hman sawi rik awm chu nuaibo in mahni ngeia intihlum a ni tih an chhuina aṭang an puang tawh.

Thuchhuah an siam hnu mai hian a bialnu leh a thihna a mawhphurhtu a puh NCB lam in an man tak Rhea Chakraborty chu a Bail dilna pawmsak a ni leh nghal.

Bombay High Court in ngun taka a ngaihtuah hnu ah vawiin October 7 khan Rhea Chakraborty Bail dilna hi pawmsak in a chhuah tir. Chawhnu lam ah Rhea hian Mumbai’s Byculla prison a chhuahsan.

Rhea hi chutiang teh ual in ruihhlo leh damdawi a sumdawng chungchang ah hian a inhnamhnawih thuk vak lo an ti. Hetih laiin a unaupa Showik bail dilna erawh Court in ala hnawl sak.

Ruihhlo leh damdawi kaihhnawih a man a nih aṭanga ni 28 hnu ah High Court hian Bail dilna hi a pe ve chauh, vawi 2 vel lai chu a dilna hi hnawlsak a ni tawh a, a tan hun pawh sei sak hial a nih mek laiin Court chuan a chhuah lailawk ta thut a ni.

Rhea rual hian Samuel Miranda leh Rajput’s personal staff Dipesh Sawant te pawh chhuah an ni tel bawk. Rhea a chhuahna tur bail a personal bond hi ₹1 lakh (nuai khat) a ni bawk.

Tin, chhuah a nih hnu hian Police Station ah ni 10 chhung a inlan a la ngai zel dawn tho a, a passport thlenga hlan tura thupek niin Court aṭang phalna a hmuh loh chuan a thu in hmun danga zinchhuah phalsak a ni lo bawk ang.

Mint