Mizo Elite News hi ṭha i tihzawng a nih chuan min lo Follow dawn nia

Rhea Chakraborty an man laiin Sushant unaunu a lawm thung

Actor thihna avangin Bollywood a buai hnawk chho ta hle. Rajput leh Chakraborty chhungkaw inkarah inhmelmakna thlengin ui leh kel thlunpawlh an sawi ang chauh mai an ni.

Mawhphurtu a an puh ber Rhea Chakraborty chu ni 3 lai a zawn a thu zawhfiah a nih hnu ah vawiin khan Narcotics Control Bureau (NCB) ten Drugs Case in an man.

Ṭhenkhat te tan lungngaihna a nih laiin a ṭhen tan hlim leh lawmna a ni thung. Rhea man a nih hnu lawkin Sushant unaunu Shweta chu Twitter ah a rawn che chhuak nghal vat.

Shweta hian he case kal mekah hian Pathian in awmpui in an lam ah a ṭang tiin “??? #GodIsWithUs” tih a rawn tweet. Tweet a siam hun hi tlai dar 3:40 Pm khan a ni. Sushant chhungte hian rorelna dik hmuh ngei chu an beisei ber a ni.

Kar liam ta khan Rhea hi a unaupa Showik Chakraborty bakah Samuel Miranda te pawh NCB ten an lo man tawh. Rhea hian top Bollywood celebs ah drug cartel nena inkungkaih ho a sawi bawk. A fate pahnih man an ni tawh si a Indrajit Chakraborty pawh a rilru a hah ve hle dawn tih a hriat.

TOI