Mizo Elite News hi ṭha i tihzawng a nih chuan min lo Follow dawn nia

Rhea Chakraborty, A Unaupa Showik Te Judicial Custody Hun Chhung Pawtsei Leh

Bollywood Actress, Rhea Chakraborty chu Sushant Case chhuina ah ruihhlo leh a kaihhnawih chungchang vangin Narcotics Control Bureau lam ten an man a. Rhea hi judicial custody hun chhung September 22 thleng tih a ni a, vawiin hi a tawp ni tur anga sawi kha a ni.

Mahsela report thar in a rawn tarlan ah chuan Rhea Chakraborty’s judicial custody hun chhung hi pawh sei (extend) sak leh a nih thu puan a ni a, ni 14 dang la awm dawn in October 6 thleng special NDPS court in a extend sak leh ta a ni.

Times Now in a tarlan danin Rhea hi Judge hma ah via video conference a inlan in hemi hnu hian custody hi October 6 thleng a extend leh niin a tarlang.

Rhea Chakraborty bakah hian midang a unaupa Showik Chakraborty, Sushant Singh Rajput’s personal staff members – Dipesh Sawant leh Samuel Miranda te pawh judicial custody hi pawhsei sak an ni ve bawk.

Rhea hian Bail a dilna chu magistrate court in a lo hnawl sak tawh, amaherawh chu an beidawn san duh bik lo. Rhea leh Showik te unau hian lawyer kaltlangin Bail dilna hi Bombay HC ah an thehlut leh. Naktuk Nilaini September 23 hian hearing neiin ngaihtuah a ni dawn. Mahsela a landan mai aṭang chuan custody hun chhung pawhseina pek a ni tawh si a, chhuah theihna chance hi a sang lo viau

Rhea te Judicial Custody pawh sei a nih leh chungchang ah hian ngaihdan hrang hrang a in ang lo nuk. Rhea deusawh tak taka an ṭawngkhum laiin leh lam ah khawngaih leh lainat tu a tawng bawk.

IT