Mizo Elite News hi ṭha i tihzawng a nih chuan min lo Follow dawn nia

Researchers Ten Egyptian Mummy Zirchianna Ah Neih Hnu Ah Mipa Nilovin Hmeichhia Naupai Lai Mek Tih An Hrechhuak

Poland a Researchers te chuan hman laia thi tawh Egyptian mummy chu zirchianna an nei a, a tirah he Mummy hi mipa a nih thu an lo sawi zet tawh a ni. Amaherawhchu chiang zawk a mummy hi endik a nih leh hnu in mipa nilovin hmeichhia naupai lai mek a ni tih hriatchhuah a ni.

He thil hi thil hlui lam chanchin zira ngaihtuah thin mi te tan chuan chhinchhiah tlak tak a ni reng a, a chhan pawh Mummy an zirchian tawh te ah raipuar lai hmeichhia hi vawikhat mah hmuh ala ni ngailo hrim hrim. Tun hi a vawikhatna a ni hial.

Kum 1826 ah Mummy hi Warsaw ah lak a ni a, zirchianna nei hmasa tu ten mipa a an chhal miau vang in mipa anga ngaih a ni. Amaherawhchu Researcher ten Xray leh Computer test hmang te in an endik leh ngat a, chutah chuan endiktu hmasa te thil tihsual chu an rawn tichiang.

Mummy hian mipa serh a neilo hrim hrim a, a ai ah hnute leh sam sei tak a nei thung a ni tih an hre ta a,a hnu leh ah chuan naute pai lai mek a ni tih hi an hrechhuak zui leh bawk.

Warsaw Mummy Project a ho tu Ejsmond chuan CNN hnen ah an zirchianna atanga a landan in he hmeichhia hi 1st Century BC hunlai a thi a nia, a boral hian kum 20 atang 30 inkar vel a ni dawn a, a nau pai mek hi chawlhkar 26 atang 30 inkar vel a ni ang tiin a hrilh.