Mizo Elite News hi ṭha i tihzawng a nih chuan min lo Follow dawn nia

Rawlthar Pakhat Chuan Vanduaina A Tawhna Ah A Kawnga Chin Hnuai Lam Leh A Ban Dinglam Te A Chan

He vanduaina rapthlak a tawh hnu hian mak tak in thi lo in a damchhuak thung a, mahsela a damkhawchhuah leh meuh chuan ramtuileilo in hringnun a chhiar a tul phah ta a ni.

Great Falls, Montana a rawlthar pakhat Loren Schauers, 19 hian a hnathawhna hmun ah forklift truck accident tawkin dinhmun derthawng takah a awm phah. A kawnga chin hnuai lam a chan bakah a ban dinglam zawk chu tan a ni bawk.

Amah Loren Schauers pawh in a chetsual lai a rilru fim a put ah a kawng a chin hnuai lam chu a pêr hneh viau thu leh a ban te chu puak mai anga a awm thu pawh a la hre deuh thei. Chetsualna thlen hnu ah damdawiin a hruai a nih chuan Doctor te ngei pawh an beidawng rum rum hman.

A bialnu Sabia Reiche hnen ah chuan a bialpa Loren Schauers hnen ah a damchhuah loh thut theih vangin mangtha turin an ti hial a, Sabia Reiche pawh hian Schauers hi vawi 5 aia tam mah a mangtha hman nghe nghe a ni.

Loren Schauers chuan thih leh dam karah duhthlanna khirhkhan tak a siam a ngai a, dam leh tur chuan a kawnga chin hnuai lam leh a ban dinglam te chu chhan tlak a nih tawh loh vangin a duh emaw duh lo emaw a chan ngei ngei a tul tawh. Doctor te chuan hemicorporectomy surgery an neihsak a, tha takin a rawn damchhuak leh.

Loren chuan a taksa chanve tan a ngai kha atan duhthlanna siam harsa a ni lo a, a bialnu Sabia leh a chhungkua te chuan chakna nasa tak pe in thutlukna pawh awlsam taka a siam thu Youtube Video kaltlangin a sawi. Rin aiin Loren hi a tha chhuak chak a, damdawiin ah hian thla 3 deuh chauh hun a hmang a ni.

Loren leh Sabia te hi an awmdun atang thla 18 hnu ah chetsualna hi a thleng a, amaherawh chu he vanduaina hian a hma aia nasa in an inkar a sawhnghet zual. Kumin khan innei turin an inhual hial bawk.

DM