Mizo Elite News hi ṭha i tihzawng a nih chuan min lo Follow dawn nia

Rawlthar Pakhat Chuan Diego Maradona Fapa A Ni Tih A Inchhal

Argentina Legend boral ta Diego Maradona chu ropui taka thlahliam a nih hnu ah amah nena inhnamhnawih thil lengvak tam tak a awm nasa leh nghal hle tawh.

Rawlthar kum 19 mi pakhat chuan fam ta Diego Maradona fapa a nih thu in huai takin a lo inchhal a, Maradona chu a pa a ni ngei tih fin fiah turin a ruang phawrhchhuah a DNA Test a phut a ni.

Maradona fapa nia inchhal tu hi Santiago Lara, 19 a ni a, a lawyer Jose Nunez kaltlangin La Plata a Family Court ah ngenna hi a thlen a ruang phawrh a DNA test atang a pa a ni ngei tih hi finfiah theih a beisei tlat.

Mr Nunez hi Argentinian TV ah kalin an thil phut hi a sawi a, Santiago Lara hian a pa dik tak zawngchhuak tur hian hma a lakna pawh alo rei tawh viau bawk a ni awm e.

A nu hi Natalia Garat niin waitress hnachelh thin a ni a,2006 khan chuap cancer vangin kum 23 leka upa in alo boral tawh. A nu leh Maradona te hi kum 7 zen zawn on-off angin an inkawp tih sawi a ni a, Santiago hi a nu mipa kawp thin a bialpa hlui Marcelo Lara chuan a fapa angin alo enkawl a ni.

“Ka nu hian kum 3 leka upa ka nih in min kalsan a, a boral hma lawka ventilator an lakthlak sak chuan lawyer te hnen ah Diego fapa ka nih thu hi alo sawi a ni” tiin Telemundo programme Suelta la Sopa ah a sawichhuak.

He thil hi a tilo a nih chuan DNA hi tumah in an pe thei dawn lo tih a sawi a, tunge a nih tih inhrechiang lo in hun a hmang a, Maradona rosum leh pai a duh vang pawh nilo in a hringtupa dik tak hriatchhuah a duh vang zawk a he thil hi ti ta niin a insawi a ni.

DM