Mizo Elite News hi ṭha i tihzawng a nih chuan min lo Follow dawn nia

Rawlthar Pakhat Chuan A Lirthei Khalh Thunun Zo Lovin Hmeichhe Pawisawi Lo Nunna A Lak Phah

Lirthei khalh intih avanga chak tak tak a tlan kher kha changkan na a ni hran lem lo. Hnung lamah ‘mi a’ leh ‘mi mawl’ tiin an lo sawi zui zawk mai thei che a sin.

LA, California ah Nilaini liam ta khan lirthei chetsualna a thleng a, rawlthar pakhat a hming tarlan loh chuan a Lamborghini khalh chu thunun zo lovin, Car dang lo tlan nen an an in su.

Receptionist hmeichhia silver Lexus khalhtu Monique Munoz, 32 chuan he chetsualna ah hian a hliam tuar lovin a nunna a chan. Police te chuan he chetsualna ah hian tumah man an awm loh thu an sawi.

Lamborghini khalh tu mipa hi kum 17 mi lek a ni a, chetsualna thleng ah hian hliam na lutuk lo a tuar thung. Thil thleng lo hmu ten an sawidan chuan an insut hma hian 120mph vela chak in he thleirawl hian a lirthei hi a khalh niin an tarlang.

Nunna chan ta Monique pahrawn Cardona chuan CBS hnen ah a fanu chu thinlung tha tak leh midang ti na duh ngai lo, thil engkim dik tak a ti thin mi a nih thu a sawi a,a fanu dikna fiah a thil thleng hi chhui chian ngei a phut bawk.

Monique pual hian GoFundMe Page hawng in, a vuina senso atan pawisa khawn sak a ni a, Thawhtan zing thleng khan $34,000 ai a tam an hmu tawh a ni.

Midang te tan a harsatna leh buaina lian zawk i thlen loh nan chak tak tak in i lirthei khalh ngai suh ang che.