Mizo Elite News hi ṭha i tihzawng a nih chuan min lo Follow dawn nia

Rawlthar Kum 18 Mi In Coronavirus Veiin He Hri Hlauhawm Leh Rapthlak Zia Hi A Sawi

lowa a awm rawlthar kum 18 lek a upa chu tunlai hri leng Covid19 chuan a man ve a, ama lo ngaih leh rindan ah chuan he virus hi kai turin a in ring hlawl lo a ni.

He hri hi a tuarna aṭanga a hriat dan ber a sawi ah chuan truck in a sut nen a tehkhin. A rualpui kum naupang zawk te chu fimkhur tur in a chah lawm lawm nghal a “tu chungah pawh he hri hi thleng ve thei a ni” a ti.

Dimitri Mitchell hi March 13 khan Covid19 symptoms ang hian a awm ṭan a a khawsik a sangin 105 degrees te a hawlh bak ah nasa takin a khuh bawk.

“Khum bet in ni leng in ka awm a, ka mit aṭang mitui hnam reng in ka lu chu a nat em em bak ah nasa takin ka khuh. Hetiang a hrehawm hi ka la tuar ngai reng reng lo. Ka awmdan chuan ziaawm lam aiin a zual zel zawk a ni” tiin Good Morning America a lo hrilh.

“Hetiang damlohna hi ka neih ngai loh vangin ka nu hnen ah ka awm dan chu truck in a sut chawrh ang nen ka tehkhin hial” a ti bawk.

Ṭum hnih lai Hospital aṭang in lam haw tir a ni. Grocery store hna thawh aṭanga kai nia rin a ni a fai taka kut a sil ve reng ṭhin thu sawiin mahse a kai ta tho. Kum upa lam te chauh nilo kum naupang chungah pawh he hri hian zah ngaihna a nei lo tih a hrechiang viau a ni.

DM