Mizo Elite News hi ṭha i tihzawng a nih chuan min lo Follow dawn nia

Rawlthar Kum 18 Chuan Mi 75 Nunna A Chhanhim Sak

He rawlthar hian mi tam tak thi mai tur lak aṭang an nunna alo chhan sak a, amah vang liau liau in him dam takin an awm theih phah ta a ni.

October 29 Ningani zing lam khan Kopar, Dombivli ah Building chhawng 2 chu a chim a, vanneihthlak takin nunna chan hriat a ni lo.

Kum 18 a upa he Building chim a cheng ve tho Kunal Mohite chuan building a chim hma hian vanneihthlak takin a lo hre lawk. Kunal Mohite hian web series chu zing lam khawvar tirh thleng in a en a, chutih lai chuan Choka lam ceiling aṭang thawm awmin a rawn chim ti tih ṭan a ni mai a thil nawi ilo vel a tla tawh. Chu veleh an awmna chu a him lo a building a chim dawn tih a hre nghal.

A chhungte dang chu kai harh hlawm in Building chhuahsan a ngaih thu a hrilh. Building a cheng ve midang te ho pawh chu chhuak turin an hrilh hre vat vat hlawm a, tichuan hmanhmawh takin an insaseng. Official chuan a hun takah Building a cheng te hi chhuak in an nunna a him tih an sawi.

Building chim hun hi zing lam dar 4:30Am vel kha a ni. Building hi kum 42 zet a upa a ni tawh a, chhungkaw 18 in an luah bawk.

Official Source chuan Kopar Area a building hi thla eng emaw zat liam tawh ah khan chen zui tura a hlauhawm thu an sawi tawh a, Building a cheng chhungkua te chu chhuahsan turin an lo hrilh tawh a ni awm e. Authorities aṭang notice pawh an dawng ngei a, amaherawh chu sum leh pai ah an harsat em vangin an khawsa zui.

“Notice pawh kan hmu a, mahse heta cheng te hi sum lamah harsa ve te te kan ni. Kalna tur hmun dang kan nei chuang lo” tiin Kunal hian alo sawi.

Business Standard