Mizo Elite News hi ṭha i tihzawng a nih chuan min lo Follow dawn nia

Ravi Dahiya Silver Medal Dawn Chuan An Khaw Mipui Ten Amah Vangin Tui Leh Eng Changtlung Zawk Hmuh Theih An In Beisei

Mi ropui tak tak te hi an lo chawrhchhuahna erawh a nuam vek bik hauh lo. India ram tan a Freestyle Wrestling 57kg category a Silver Medal hlawhchhuak tu Ravi Dahiya hi a pianna leh a seilenna chu engteh ual vak alo ni bik lo hle mai.

Dahiya hi Haryana a thingtlang khaw chengker ve tak Nahri khua atang a chawrchhuak a ni a, an khua ah hian mi 15,000 vel an cheng mek a ni. Ravi Dahiya an Tokyo Olympic’s a silver medal a lak khan India ram mipui mai bakah a pianna khua a cheng te chu a ti lawm hle.

Nahri khua hian Dahiya lakah hian beiseina sang tak an nei a, he a Silver medal rawn hawn hian an khaw tan hmasawnna a thlen a, tui in tur leh electric hnianghnar zawk a an hmuh theih an beisei tlat a ni.

Nahri khua ah hian ni khatah darkar 8 chiah electricity an dawng thin. Zingah darkar 2 leh chawhnu/tlai lamah darkar 6 an hmu. Tin, hei bakah an kawng a tha lo em em bawk a, in enkawlna tur damdawiin pawh a awm lo.

India in Silver Medal a kawl hnu khan Ravi Dahiya pa Rakesh chuan a fapa hlawhtlinna avang hian a chhuan zia sawiin an khua chuan amah vang hian tui in tur leh electricity supply mumal zawk an dawn ve a rin hle thu leh an khaw tan a hmasawnna tha a rawn hawn tel ngei a ring tih reporter te a hrilh.

A hma in Assam Boxer hmeichhia Lovlina Borgohain in Medal a hawn tum pawh khan Assam govt chuan Lovlina Borgohain te khua Assam’s Golaghat district a Baromukhia village chu kawng tha zawk siam sak a ni. Hetiang ang hi Haryana sorkar pawn Nahri khua tan hian a tihsak an phut ve tlat a ni.