Mizo Elite News hi ṭha i tihzawng a nih chuan min lo Follow dawn nia

Rapper Nicki Minaj Pa Robert Chu Car In A Sut Hnuah A Hliam Tuar Lovin A Thi

Hmeichhe Rapper lar leh hriat hlawh tak Nicki Minaj (kum 38) hringtupa Robert Maraj (kum 64) chu Long Island ah Car in a sut hnu in a boral thu puan a ni.

TMZ te tarlan dan in Robert hi Zirtawpni dar 6pm khan Mineola a a kawng kal chu Car hian a su a, mita hmu tu te sawidan in a su tu Driver hi thil thlen hnu ah a tlanbo nghal.

Robert hi damdawiin hnai ber ah a rang thei ang bera hruai nghal a ni. Mahsela a hliam a nat em avangin February 13, Inrinni khan a hliam tuar lovin a boral ta a ni.

A su tu Driver hi thuneitu lam in chhui hna an thawk mek zel a, thil thlenna hnaih a awm te hnen ah thu zawhfiahna an nei bawk.

Nicki Minaj hian a pa chunga vanduaina thleng ah engmah a la sawi lo a, a pasal Kenneth Petty nen an fa hmasa ber an neih atanga thla 4 ah a pa hi a boral.

Nicki Minaj hi a hming tak Onika Tanya Maraj a ni a,Trinidad ah a piang. Kum 5 a nihin a pianna Trinidad atang United State ah an pem a,Jamaica, Queens ah a seilian a ni.