Mizo Elite News hi ṭha i tihzawng a nih chuan min lo Follow dawn nia

Rangkachak Zei Taka A Thuhruk Chu Thuneitu Ten Airport Ah An Man Chat Mai

Smuggler te reng reng hi an thluak a tha a, an finna hi awihawm loh zawk khawp a ni thin. Mahsela an fin rual rual hian an mahni ai a fing Security thenkhat te erawh an bum thlu hleithei bik lo.

Kerala pa pakhat Mohammad Sharif tia koh chu Imphal atang New Delhi lam pana a thlawhchhuah dawn ah a chet dan mak tak avangin CISF officials te chuan enfiahna an nei a, uluk taka an check hnu ah a taksa chhung lamah dan phalloh thil a keng tih an hrechhuak.

Mohammad Sharif hi Kozhikode a cheng thin a ni. Thawhtanni, dar 2:40 PM khan Air India flight ah Delhi lam pan tur a ni a, mahsela a khawsak leh a hawiher atang thuneitu ten diklo a awm niin an hria a, a mawngkua ah chuan rangkachak 900 grams a rit yellow metal paste ah fun 4 a lo zep ru reng tih an hre chhuak a ni.

Rangkachak te hi a tlang lovin a diak lam chi in thiam takin a mawng lam ah hian alo zep lut ru heuh heuh a. Central Industrial Security Force (CISF) ten Imphal Airport ah hian an man nghal.

Thuneitu ten rangkachak an man hlutna hi India pawisa in cheng nuai 42 vel zet niin an sawi. Rangkachak chawlut thin te hian thil thuhruk nan an mawng hi an lo hmang tangkai fo tawh thin. Hmanni lawk mai pawh khan Sharjah atang mi pahnih ten an taksa ah gold paste kg 3 lai an thukruk chu Kerala a Kannur Airport ah Customs officials ten an lo man bawk.